कापूस बाजारभावात चांगली सुधारणा

कॉटन असोसिएशन ऑफ इंडिया (सीएआय) ने प्रसिद्ध केलेल्या अहवालानुसार यावर्षी भारतात 321.50 लाख कापूस गाठींचे उत्पादन होईल, असा अंदाज आहे. यापूर्वी दिलेला अंदाज, आणि नवीन अंदाज यामध्ये जवळपास 9 लाख गाठींची तफावत आहे.

कापूस उत्पादनात घट होणार असली तरी, वापर मात्र अधिक होणार आहे. तसेच भारतातून बांगलादेशला होणारी कापूस निर्यात सुरूच राहणार आहे. याशिवाय चीन मधून सुद्धा भारतीय कापसाला मागणी येण्याची शक्यता आहे. त्यामुळे यापुढील काळात भारतीय बाजारात कापसाचे दर सुधारतील, असा अंदाज कापूस अभ्यासकांनी व्यक्त केला आहे.

राज्यात आज रोजी भद्रावती येथे 377 क्विंटल कापूस आवक झाली, तर कमाल रु.8200 दर मिळाला. समुद्रपूर येथे 1044 क्विंटल आवक झाली आणि 8350 रुपये कमाल दर मिळाला. तर घनसावंगी येथे सर्वाधिक 8500 रुपये प्रतिक्विंटल दर मिळाला.